أكثر حاجه احب اسويها الحلويات 🥹🤤, وصفة هالتشيزكيك بالقلبببب ♥️ : #تشيز_كيك مخبوز : نحتاج ٣/٤ كوب سكر ( بنات لما أكتب ٣/٤ يعني كوب الأ ربع مو ٣ أو ٤ اكواب , أعتذر عن التوضيح بس في بنات صغار لازم اوضح لهم 🥹♥️) ١/٤ ربع كوب نشاء , ٣ بيض , ١ ملعقة طعام فانيلا , ٥٠٠ جرام جبن فيلادلفيا , كوب وربع كريمة خفق سائلة , ١ ملعقة صغيرة بشر ليمون , نصف ليمونه معصورة , ٢٠ جرام زبدة ( مهم جميع المكونات بحرارة الغرفه ) . . طبقة البسكوت : استخدمت بسكوت داجستيف مع زبدة مذوبه ( ملعقة صغيرة قرفة تعطينا طعم لذيذ للبسكوت ) . . الطريقة : في البدايه نحط طبقة البسكوت مع الزبده ونتأكد انو وزعناها كويس , بعدها نبدأ نخفق باليد السكر مع النشاء والبيض و الفانيلا لحد مايتغير لونها , في العجانه نبدأ نخفق الجبن مع كريمة الخفق لحد ماتتجانس بعدها اضيف لها عصير الليمونه مع البشر والزبده بحرارة الغرفه , بعد ماتجانست نبدأ نضيف خليط البيض بالتدريج ونخفق لمدة دقيقتين ونقفل , نرجع لصينية التشيز كيك ونغلفها تمام بالقصدير طبقتين عشان راح نخبز التشيزكيك في حمام مائي , نحط الخليط على البسكوت ونحط صينية التشيزكيك في صينية اكبر ونعبي نصها مويه وندخلها الفرن لمدة ٥٠ دقيقة على حرارة ١٨٠ من تحت بس , لما تخلص ٥٠ دقيقه نطفي الفرن ونتركه ١٠ دقايق ونطلعها من الفرن نغلفها بنايلون ونتركها لحد ماتصير بحرارة الغرفه وندخلها الثلاجه لمدة ليلة كاملة , . . الصوص : كوب توت , نصف كوب سكر , عصرة نصف ليمونه , ملعقة نشاء مذوب في مويه , نحط التوت والسكر على النار لحد مايذوب التوت في السكر نضيف عليه عصير الليمون , وبعدها نضيف النشاء المذوب في المويه لما يثقل الخليط نطفي النار ( في اقل من الدقيقتين يبدأ يثقل مانتركه يطول ) و بألف عافيه ♥️♥️ #تشيز_كيك #حلى_بارد #حلى_قهوة #ويكند #ترند_تيك_توك