الحجية تگول خلي يقرون الكاپشن مالتك : أحسن دكتور نفسي بالعالم هو إنتَ أو إنتِ : اللحظة اللي تكتشف بيها ، إنُّ إنتَ هو المُنقذ الحقيقي النفسك هنا راح تبدأ الخطوة الأولى بعلاج ذاتك … من تكون واعي إنُّ إنتَ ما جاي تعيش الحاضر ، جاي تعيش الماضي فقط ! والأكبر من هيچ خايف من "المُستقبل" ! وناسي اللحظة الحالية .. ناسي تعيش حاضرك .. ومن تكتشف إنتَ "عايش" وليسَ "حي" .. نص البشرية إذا مو أكثر عايشة بس جسد .. وهمية وعشوائية وتائهة ومتكأبة ونفسية والخ .. من تبدي تكتشف هالأمور وتعالجها ، فَ إنتَ هنا بطل ( وأكيد ميمنع تزور دكتور نفسي للضرورة ) لا عيب ولا حرام .. ولا تنسى توعّي نفسك وتطوّرها وتنميها وتثقفها وتفهِّمها شنو هي الحياة .. هُنا وأخيرًا ، سوفَ تكون حي ، إنسان حي وحيوي وفاهم للحياة ، إنسان مُتقبّل الحياة بكُل ظروفها وقساوتها ، إنسان مُستمتع "بالرحلة" وليسَ "النتجية" بحلوها وبمُرها ، بحزنها وبفرحها ، بصحتها وبمرضها ، وبكُلشيء .. زين محمد شلون نطبّق ونوصل للكلام الفوگ ؟ : تقربوا من الله وصلّوا .. : ثقّف نفسك بقراءة الكُتب . : وعلى رأي د.محمد طه (كُن مُقاوم ، حتى تُعالج نفسك من المرض النفسي ..) شُكرًا مُقدمًا الدعمكُم وإضافتكُم إلي ، وأتمنى إستفاديتوا ولوا بحرف . لـ ( محمد وليد ) #محمد_وليد #تنمية_بشرية