Replying to @user1821009712811 أمس نزلت أول بوست فتنس لي من فترة طويلة جداً و ياريتني ما نزلته.. مئات تعليقات الانتقاد وكيف بتنزل محتوى وأهلك بغزة بيموتوا.. كل همك العضلات ونسيت غزة!! بعدين العضلات تبعتك هادي مفروض حطيتها للقتال ومقا.ومة الاحتلال.. الغزاوي اليوم صار لازم يموت عشان يثبت للناس إنه ثابت في أرضه ومع المقا.ومة.. يعني ما بيكفي اللي ماتوا لا لازم هو كمان يموت ويعاني ويتبهدل!! ولو نجا من الإبادة اللي بتصير الناس حتقتله بالتنظير عليه 😬 يخوان انتهى القتال في غزة ولم يتبقى إلا القتل .. غزة الآن محتلة والمفاوضات اللي بتصير على إرجاع ابسط حقوقنا وأملاكنا صدمة صح؟! شو كنتم متوقعين بعد كل هالخذلان تيجي الملائكة تساند المقاومين؟ المقاومين ضحوا بأرواحهم وكل ما يملكون وقاتلوا كأن الله بجانبهم ✌🏻 واذا كنتم مفكرين التقصير من الشعب أو الشباب فأنتم مش فاهمين شيء 90٪ من شباب غزة عندهم القدرة على القتال وبيعرف كيف يضرب الميركفاة 🔥 .. لكن الموضوع مش بالعدد القتال مش بشر ضد بشر ولا سلاح ضد سلاح.. القتال ترسانة ضد صدور عارية و بطون جائعة وبدون عتاد يكفي أو سلاح يذكر.. شعب غزة ما بيعرف الخوف كنا نقف قدام الدبابة قبل 20 سنة ونطبش عليها حجار وكان تدهس الناس والناس ترجع وتطبش عليها حجار مش قذائف مش محتاج منكم تعاطف مش محتاج غير إني أقدر ارجع انشر بشكل طبيعي من دون ما احد يحاسبني في إمكانية؟ لأنكم وعزة الله ما بتعرفوا شيء عني ولا عن شو ضحيت مش بهذه الحرب بل من يوم ما انولدت في غزة ومش لوحدي جيلنا كله شاف ويلات الاحتلال والحصار لأكثر من 30 سنة انتم اكتفوا بمشاهدة الفيديوهات الحزينة والعاطفية اللي بتنزل و الدعاء عالظالم والعودة لتصفح مسلسلاتكم .. هي كبيركم لكن لا تحاسبوا غزاوي شو ما كان السبب.. لأنه اتحاسب بما فيه الكفاية.. بتقدروا تحاسبوا مشاهير كتير بتنشر محتوى كوميدي و هزلي وكروي مش باب رزق.. @عبدالله طلبة | تغذية و رياضة