أنتَ حاليًا عبالك گاعد أشدّك للڤيديو مو ؟ : أو مُجرد كتابة تجذِبك ؟ لا غلطان ، لأن للأسف هالشيء مُرعب وحقيقي! بدايةً ولأول مرة أعتقد راح أكون شوية شاد بكتابة كلامي ، وشُكرًا مُقدمًا لقرائتك موضوعي : -أنتَ تدري بأنُّ السوشيال ميديا گاعد تقلل ثقتك بنفسك ودتدمرك بدون ما تحس ؟ - أنتَ تدري بأنُّ نفسك ( روحك ) شگد خطيّة ، لأن من شخص يصورك بدون "فلتر" تضوج وتگلة أمسحة أو لا تنشرة ، هالشيء معناه ما تتقبّل شكلك الحقيقي !! - أنتَ تدري شلون جاي تضلم نفسك وما تتقبلها بحقيقتها ؟ - تدري لو متدري ؟ تدري الفلاتر خلتك تنسى حتى شكلك الحقيقي!! - بحيث بالوقت الي تفتح الكامرة وتشوف شكلك الطبيعي ( تدوّر على الفلتر مثل الطلقة ) حتى ترتاح نفسيًا !! - زين ، خلي أنطيك الأقوى ، أنتَ تدري جاي تنشر نفسك ، بس هاي مو أنتَ الحقيقي ؟ هاي مو ملامحك ومو عيونك وخشمك وحواجبك وكُلشيء ؟! -لا صدگ ، جاي تفهم كلامي شگد خطير وشگد مأثر علينة وبدون ما نحس ؟ - تدري نسبة (عالية) من ا"لثقة بالنفس" ( الفلاتر دمرتها ) ! آني هم مثلك ، ماچنت واعي على هالشيء ، وجاي أصححة . بالأخير : إعذروني خاف بدر مني كلام محلو ، وآني مو مِثالي ، آني أنسان جاي يتعلّم ويطوّر نفسة ويشارككُم أفكاره أخوكُم "محمد وليد" ، شوفوا الباقيات بحسابي إذا تحبون🩶 #محمد_وليد #تنمية #تنمية_بشرية #فلتر #فلاتر #الحقيقة #سوشيال_ميديا