طريقة عجن وطبخ المرقوق على قفر #اكسبلور تكفون #محبين الاكل الشعبي اللذيذ المضبوط #ترند بليز #🌺 مرقوق على قفر نجيب القفر وننقعه بماء حار ربع ساعه بعدين نفركه باليد لين نتخلص من الملح الزايد والزفره ويلين شوي بعدين نغسله مرتين ونخليه على جنب نجيب الطحين الاسمر. العضوي ونعجنه بماء عادي وشوي ملح واذا الطحين مملوح خلاص يكفي نخلي العجينه لينه شوي مو مثل عجينة المطازيز قاسيه نعجن وونشل ونخليها ترتاح من ١٠-١٥ دقيقه بعدين ( نمثلها ) يعني نسويها كور وسط اكبر من المطازيز بشوي نجيب الة المطازيز الكهرباء ونشبكها بالكهرب ونحط فيها المثايل ونرعصها بس مو بقوه مره علشان ماتتقطع اذا طلعت صوت نتركها شوي واذا انفرشت نشيلها ونحط الثانيه وهكذا لين تنتهي الكميه طبخ المرقوق بالقفر نحمس البصل بزيت او سمن او ودكه اللي متوفر وتفضلون لين يذبل البصل بعدين نحط عليه القفر ونحمس بعدها نحط طماطتين وسط ونص علبة معجون الطماط بالخلاط ونصبه على القفر ونحط البهارات ( فلفل اسود وبهارات مشكله - وملح نخليه بالاخير علشان مايأخر استواء اللحم ) نصب الماء غلايه ونص ام لتر ونغطيه يطبخ ربع ساعه بعدها نطلع نص مقدار القفر ونخلي الباقي ونجدع المرقوق على قرصين وبعد كل تجديعه نغطي القدر لين ينتهض المرقوق بعدين نفرقه ونغطسه ونحط الدفعه الثانيه وهكذا لين تنتهي الكميه نحط الخضار ( كوسه وقرع ) والقفر اللي شلناه وعلوب حبحر حار ونملحه ) طبعا وحنا نجدع النار عاليه علشان ينتهض المرقوق واذا خلصنا نقصر النار ونخليه يستوي مع بعض ساعه وربع - الى ساعه ونص واذا استوى نشيل الفلفل والخضار علشان نحطه على الوجه ونحرك المرقوق على شوي شوي علشان يتفكك ونغرفه بطبق التقديم ( الصحفه ) ونرجع الخضار والفلفل ونرش عليه سمن او قطع زبده ونرش عليه بصل نيئ مخلوط مع ليمون اسود ومسمنه ) وبالعافيه #CapCut